ప్రపంచవ్యాప్తంగా భూభాగాలు, చమురు, సుంకాలపై వివిధ పోరాటాలు సాగుతున్న వేళ మరో వాణిజ్య వివాదం తెరపైకి వచ్చింది. అమెరికా, జపాన్ మధ్య దశాబ్దాలుగా కొనసాగుతున్న బంగాళాదుంపల వాణిజ్య వివాదం డొనాల్డ్ ట్రంప్ ఒత్తిడితో మళ్లీ వేడెక్కింది.అమెరికాలో పండించిన తాజా బంగాళాదుంపలను జపాన్ దుకాణాలు, రెస్టారెంట్లలో విక్రయించేందుకు అనుమతించాలని వాషింగ్టన్ కోరుతోంది. అయితే విదేశీ బంగాళాదుంపల ద్వారా చీడపీడలు, వ్యాధులు ప్రవేశిస్తాయని, స్థానిక రైతుల జీవనోపాధి దెబ్బతింటుందని జపాన్ రైతులు వ్యతిరేకిస్తున్నారు.జపాన్ 1950 నుంచి సాధారణ వినియోగం కోసం అమెరికా తాజా బంగాళాదుంపల దిగుమతులను నిషేధించింది. 2006లో చిప్స్ తయారీ కోసం కఠినమైన రవాణా, ప్రాసెసింగ్ నిబంధనలతో పరిమిత అనుమతి ఇచ్చింది. ఇప్పుడు ఆ నిషేధాన్ని పూర్తిగా సడలించాలని అమెరికా డిమాండ్ చేస్తోంది. జపాన్ బంగాళాదుంపల ఉత్పత్తిలో దాదాపు 80 శాతం హొక్కైడో ప్రాంతం నుంచే వస్తుంది. దిగుమతుల వల్ల 21 రకాల చీడపీడలు, వ్యాధికారకాలు ప్రవేశించే ప్రమాదాన్ని అక్కడి వ్యవసాయ శాఖ పరిశీలిస్తోంది. ముఖ్యంగా నేలలో 15 ఏళ్లకు పైగా ఉండగల నులిపురుగుల వల్ల సాగుకు ముప్పు ఉందని రైతులు ఆందోళన చెందుత (Reported by Mana Telangana Feed.)
ముదురుతున్న బంగాళాదుంపల యుద్ధం
In Brief: IN-TG | ముదురుతున్న బంగాళాదుంపల యుద్ధం — via Mana Telangana Feed
Source credit: Mana Telangana Feed (reference)