హైదరాబాద్ : ఇందిరమ్మ కుటుంబ జీవిత బీమా పథకానికి అర్హులైన కుటుంబాలన్నీ నమోదు చేసుకునేలా చర్యలు తీసుకోవాలని జిహెచ్ఎంసి కమిషనర్ ఆర్.వి. కర్ణన్ అధికారులను ఆదేశించారు. పథకంపై ప్రజల్లో విస్తృత అవగాహన కల్పించి, అర్హులందరికీ ప్రభుత్వ ప్రయోజనాలు అందేలా చూడాలని సూచించారు. ఖైరతాబాద్లోని 219వ వార్డులో ఏర్పాటు చేసిన ఇందిరమ్మ కుటుంబ జీవిత బీమా పథకం నమోదు కేంద్రాన్ని ఆయన సందర్శించి, రిజిస్ట్రేషన్ ప్రక్రియను పరిశీలించారు. ఈ సందర్భంగా అధికారులతో మాట్లాడి నమోదు ఏర్పాట్లపై సమీక్షించారు. దరఖాస్తుదారులకు ఎలాంటి ఇబ్బందులు కలగకుండా పారదర్శకంగా, సజావుగా నమోదు ప్రక్రియను నిర్వహించాలని సూచించారు. క్షేత్రస్థాయి సిబ్బంది సమన్వయంతో పనిచేస్తూ, దరఖాస్తుదారుల సమస్యలను ఎప్పటికప్పుడు పరిష్కరించాలన్నారు. నిర్ణీత గడువులోగా నమోదు ప్రక్రియను పూర్తి చేసి, అర్హులైన ప్రతి కుటుంబానికి పథకం ప్రయోజనాలు అందేలా ప్రత్యేక శ్రద్ధ తీసుకోవాలని కమిషనర్ స్పష్టం చేశారు. (Reported by Mana Telangana Feed.)
అర్హులందరికీ ఇందిరమ్మ బీమా అందాలి: ఆర్.వి. కర్ణన్
In Brief: IN-TG | అర్హులందరికీ ఇందిరమ్మ బీమా అందాలి: ఆర్.వి. కర్ణన్ — via Mana Telangana Feed
Source credit: Mana Telangana Feed (reference)