కోరుకొండ: కోళ్లను దొంగిలించేందుకు వచ్చిన వ్యక్తిపై కాపలాదారులు దాడి చేయడంతో అతడు మరణించాడు. ఈ ఘటన తూర్పుగోదావరి జిల్లా కోరుకొండ మండలం మధురపూడిలో చోటు చేసుకుంది. దొంగను గమనించిన ఫారం యజమాని అతడిని పట్టుకొని చెట్టుకు కట్టేశాడు. కాపలాదారులు తీవ్రంగా కొట్టడంతో దొంగ మృతి చెందాడు. మృతుడిని కృష్ణా జిల్లాకు చెందిన నరేశ్‌గా గుర్తించారు. అతడిపై అక్కడ కూడా 5 దొంగతనం కేసులు ఉన్నట్లు పోలీసుల ద్వారా తెలిసింది. ఫారం యజమాని నేరుగా పోలీస్‌స్టేషన్‌కు వచ్చి విషయం చెప్పడంతో శుక్రవారం జరిగిన ఈ ఘటన ఆలస్యంగా వెలుగులోకి వచ్చింది. దొంగతనానికి వచ్చిన మరో ముగ్గురు పరారీలో ఉన్నారు. (Reported by Mana Telangana Feed.)