ఇంటర్నెట్ డెస్క్: వైసిపి అధినేత జగన్, ఆయన సోదరి షర్మిల మధ్య బెంగళూరులోని యలహంక ప్యాలెస్ వివాదం మరోసారి హాట్ టాపిక్‌గా మారింది. తన కుమార్తె అంజలి వివాహ పనుల కోసం ఈ ఆదివారం యలహంక ప్యాలెస్‌కు వెళ్లేందుకు షర్మిల సిద్ధమవగా.. ఆమె ప్యాలెస్‌లోకి ప్రవేశించకుండా స్టే ఇవ్వాలని జగన్ దేవనహళ్లి కోర్టును ఆశ్రయించారు. సిలికాన్ బిల్డర్స్ లిమిటెడ్ పేరుతో పిటిషన్ దాఖలు చేశారు. గతంలో అంజలి వివాహాన్ని యలహంక ప్యాలెస్‌లో నిర్వహించాలని షర్మిల భావించినప్పటికీ, జగన్ అభ్యంతరంతో పెళ్లి వేదికను మార్చుకున్నారు. మరోవైపు, 2019లో కుదిరిన ఒప్పందం ప్రకారం ప్యాలెస్‌పై తనకే హక్కులు ఉన్నాయని షర్మిల వాదిస్తున్నారు. యలహంక భూమి షర్మిలదేనని విజయమ్మ కూడా గతంలో బహిరంగ ప్రకటన చేశారు. ఈ నేపథ్యంలో తాజాగా జగన్ కోర్టును ఆశ్రయించడం అన్నాచెల్లెళ్ల మధ్య ఆస్తి వివాదాన్ని మరోసారి తెరపైకి తెచ్చింది. దేవనహళ్లి కోర్టు నిర్ణయంపై ఆసక్తి నెలకొంది. (Reported by Mana Telangana Feed.)