దాదాపు ఎనిమిదేళ్ల క్రితం సౌతాఫ్రికా పర్యటనలో ఆస్ట్రేలియా ప్లేయర్లు చేసిన సాండ్పేపర్ గేట్ వివాదం యావత్ క్రికెట్ ప్రపంచాన్ని కుదిపేసింది. ఇప్పుడు ఈ వివాదం మరోసారి తెరపైకి వచ్చింది. ఈ క్రమంలో ఆసీస్ మాజీ ఆటగాళ్లు ఉస్మాన్ ఖవాజా, డేవిడ్ వార్నర్లకు ఫాక్స్ స్పోర్ట్స్ షాక్ ఇచ్చింది. వీరిద్దరిని క్రికెట్ కామెంటరీ విధుల నుంచి పక్కన పెట్టింది. తిరిగి విధుల్లో ఎప్పుడు చేరుతారో ప్రకటించలేదు. ‘‘ఇటీవలి పరిణామాల దృష్ట్యా రాబోయే కొన్ని వారాల పాటు ఖవాజా, వార్నర్లకు వ్యాఖ్యాన బాధ్యతల నుంచి విశ్రాంతినిస్తాం. మేం మా కామెంటరీ బృందంలోని సభ్యులందరికీ ఎల్లప్పుడూ మద్దతు ఇస్తాం. ఆస్ట్రేలియా వేసవి క్రికెట్ను మా వీక్షకులకు అత్యుత్తమంగా ప్రసారం చేయడంపైనే మా దృష్టి కేంద్రీకృతమై ఉంది. మేం పరిస్థితిని పర్యవేక్షిస్తూనే ఉంటాం’’ అని ఫాక్స్ స్పోర్ట్స్ మేనేజింగ్ డైరెక్టర్ స్టీవ్ క్రావ్లీ తెలిపారు. సాండ్పేపర్ గేట్ వివాదంలో సరైన విచారణ జరగలేదని, కేవలం ముగ్గురిని (స్మిత్, బాన్క్రాఫ్ట్, వార్నర్) మాత్రమే బలిపశువులను చేశారని ఉస్మాన్ ఖవాజా తన ఆత్మ కథ ‘సబ్ర్’లో పేర్కొన్నాడు. జట్టులోని అందరికీ శాండ్పేపర్ గురించి తెలుసన్నాడు. (Reported by Mana Telangana Feed.)
మరోసారి తెరపైకి సాండ్పేపర్ వివాదం.. వార్నర్, ఖవాజాలకు షాక్
In Brief: IN-TG | మరోసారి తెరపైకి సాండ్పేపర్ వివాదం.. వార్నర్, ఖవాజాలకు షాక్ — via Mana Telangana Feed
Source credit: Mana Telangana Feed (reference)