మన తెలంగాణ/హైదరాబాద్: రాష్ట్రంలో బీజేపీ అధికారంలోకి వస్తే గత బీఆర్‌ఎస్, ప్రస్తుత కాంగ్రెస్ ప్రభుత్వాల హయాంలో జరిగిన అవినీతి, అక్రమాలపై సమగ్ర విచారణ జరిపించి, దోచుకున్న ప్రజాధనాన్ని తిరిగి వసూలు చేస్తామని బీజేపీ రాష్ట్ర అధ్యక్షుడు ఎన్. రాంచందర్‌రావు ప్రకటించారు. బీజేపీ రోజురోజుకూ బలపడుతుండటంతో కాంగ్రెస్, బీఆర్‌ఎస్ నేతలు ఆ పార్టీని లక్ష్యంగా చేసుకుని విమర్శలు చేస్తున్నారని అన్నారు. శనివారం పలువురు సాఫ్ట్‌వేర్ ఇంజినీర్లు, మేధావులు, విద్యావేత్తలు, వివిధ రంగాలకు చెందిన ప్రముఖులు బీజేపీలో చేరిన సందర్భంగా పార్టీ రాష్ట్ర కార్యాలయంలో మీడియాతో రాంచందర్‌రావు మాట్లాడారు. జాతీయ స్థాయిలో జరుగుతున్న పరిణామాలను గమనిస్తున్న విద్యావంతులు, మేధావులు బీజేపీ వైపు ఆకర్షితులవుతున్నారని పేర్కొన్నారు. హైదరాబాద్‌లో మెటా వంటి బహుళజాతి సంస్థ కార్యాలయంపై జరిగిన దాడిని తీవ్రంగా ఖండించారు. సంస్థల కార్యాలయాలపై దాడులు, ఆస్తుల ధ్వంసం, ఉద్యోగుల బెదిరింపులు పెట్టుబడిదారుల్లో భయాందోళనలు కలిగిస్తాయని అన్నారు. ఒకవైపు గ్లోబల్ సమ్మిట్‌లు నిర్వహిస్తూ పెట్టుబడులను ఆహ్వానిస్తున్న కాంగ్రెస్ ప్రభుత్వం, మరోవైపు ఇలాంటి ఘటనలు జరుగుతుం (Reported by Mana Telangana Feed.)