ఒట్టావా: కెనడాలోని బ్రిటిష్ కొలంబియా ప్రావిన్స్ సర్రే నగరంలో వాల్మార్ట్ స్టోర్ వెలుపల జరిగిన కాల్పుల్లో భారత సంతతికి చెందిన ఇద్దరు వ్యక్తులు ప్రాణాలు కోల్పోయారు. ఈ ఘటన ముఠా నేరాలతో సంబంధం కలిగి ఉండవచ్చని, బాధితులను లక్ష్యంగా చేసుకునే కాల్పులు జరిగాయని పోలీసులు భావిస్తున్నట్లు స్థానిక మీడియా సంస్థ సీబీసీ న్యూస్ తెలిపింది. నవంబర్ 15 రాత్రి జరిగిన ఈ ఘటనలో గగన్ప్రీత్ (గ్యారీ) రేహల్ (23), సుఖ్జీత్ కౌర్ (24) తీవ్రంగా గాయపడి ఆసుపత్రిలో చికిత్స పొందుతూ మరణించారు. వీరిద్దరూ సమీపంలోని డెల్టా పట్టణంలో నివసిస్తున్నారు. రేహల్కు గతంలో ఆయుధాలకు సంబంధించిన నేరాలతో పోలీసుల వద్ద రికార్డు ఉండగా, కౌర్కు కెనడాలో పరిమిత పరిచయాలే ఉన్నట్లు సమాచారం. కాల్పులు జరిగిన ప్రాంతానికి సమీపంలో రాత్రి 10.51 గంటలకు ఒక కారు దగ్ధమైనట్లు పోలీసులకు సమాచారం అందింది. ఆ వాహనమే నిందితులు ఉపయోగించిన కారుగా భావిస్తున్నారు. ఈ రెండు ఘటనల మధ్య సంబంధం ఉందని హత్యల దర్యాప్తు బృందం (ఐహెచ్ఐటీ) అనుమానిస్తోంది. ఈ కాల్పులు ఉద్దేశపూర్వకంగా జరిపినవని, వ్యవస్థీకృత నేర ముఠాలతో సంబంధం ఉన్నట్లు ప్రాథమికంగా భావిస్తున్నామని ఐహెచ్ఐటీ సార్జెంట్ (Reported by Mana Telangana Feed.)
కాల్పుల్లో ఇద్దరు భారత సంతతి వ్యక్తులు మృతి
In Brief: IN-TG | కాల్పుల్లో ఇద్దరు భారత సంతతి వ్యక్తులు మృతి — via Mana Telangana Feed
Source credit: Mana Telangana Feed (reference)