చెన్నైలో స్టార్ మ్యూజిక్ డైరెక్టర్ అనిరుధ్ రవిచందర్, సన్ రైజర్స్ హైదరాబాద్ సీఈవో కావ్య మారన్‌ల రిసెప్షన్‌ గ్రాండ్ గా నిర్వహించారు. ఈ వేడుకకు పలువురు రాజకీయ, సినీ, క్రీడా ప్రముఖులు హాజరయ్యారు. ముఖ్యమంత్రి రేవంత్‌రెడ్డి ఈ వేడుకకు హాజరై నూతన దంపతులను ఆశీర్వదించారు. సూపర్ స్టార్ రజనీకాంత్, తమిళనాడు సిఎం విజయ్, మాజీ సిఎం ఎంకె స్టాలిన్, కమల్ హాసన్, క్రికెటర్ భువనేశ్వర్ కుమార్ తదితర సెలబ్రెటీలు కూడా హాజరయ్యారు. ఈ సందర్భంగా దిగిన ఫోటోలు సోషల్ మీడియాలో వైరల్ అవుతున్నాయి. కాగా, నవంబర్ 11న గ్రీస్ లో కుటుంబ సభ్యులు, సన్నిహితులు, మిత్రుల సమక్షంలో కావ్యా, అనిరుధ్ ల వివాహం వైభవంగా జరిగిన సంగతి తెలిసిందే. (Reported by Mana Telangana Feed.)