హైదరాబాద్: నగరంలో ఫుడ్ సేఫ్టీ అధికారులు మెరుపు తనిఖీలు నిర్వహించారు. వినియోగదారుల ఫిర్యాదులతో 8 ప్రత్యేక బృందాలు రంగంలోకి దిగి 9 హోటళ్లు, రెస్టారెంట్లు, హాస్టళ్లలో తనిఖీలు చేపట్టాయి. ఈ తనిఖీల్లో పలు చోట్ల అపరిశుభ్ర వంటశాలలు, బొద్దింకలు, ఎలుకల సంచారాన్ని గుర్తించారు. వెజ్, నాన్‌వెజ్ ఆహార పదార్థాలను కలిపి నిల్వ చేస్తున్నట్లు గుర్తించారు. ఎఫ్ఎస్ఎస్ఏఐ లైసెన్స్ లేకుండా నిర్వహిస్తున్న రెండు సంస్థలను మూసివేశారు. మరో నాలుగు సంస్థల లైసెన్సులను సస్పెండ్ చేయడంతో పాటు నాలుగు సంస్థలకు షోకాజ్ నోటీసులు జారీ చేయాలని నిర్ణయించారు. అనుమానంతో 8 ఆహార నమూనాలు సేకరించి, సుమారు 135 కిలోల ఆహార పదార్థాలను సీజ్ చేసి ధ్వంసం చేశారు. మెహఫిల్ రెస్టారెంట్‌కు ఇంప్రూవ్‌మెంట్ నోటీసులు జారీ చేశారు. ఆహార భద్రతా నిబంధనలు పాటించకపోతే కఠిన చర్యలు తప్పవని అధికారులు హెచ్చరించారు. (Reported by Mana Telangana Feed.)