కరీంనగర్ జిల్లా మానకొండూర్ మండలం లక్ష్మిపూర్ గ్రామంలో వితంతు ఫించన్ మంజూరు చేసేందుకు లంచం డిమాండ్ చేసిన పంచాయతీ కార్యదర్శిని శనివారం ఎసిబి అధికారులు రెడ్ హ్యాండెడ్ గా పట్టుకున్నారు. డిఎస్పీ మహేందర్ రెడ్డి తెలిపిన వివరాల మేరకు... లక్ష్మీపూర్ గ్రామానికి చెందిన ఓ మహిళ భర్త 2023లో మరణించాడు. ఆమెకు చేయూత పథకంలో వితంతు పింఛన్ మంజూరు చేయడానికి గ్రామ పంచాయతీ కార్యదర్శి లావుడ్య చవన్లాల్ రూ.10 వేలు లంచం ఇవ్వాలని డిమాండ్ చేశాడు. దీంతో ఆమె మామ కరీంనగర్ ఎసిబి అధికారులను సంప్రదించాడు. ఈ క్రమంలో పంచాయతీ కార్యదర్శి చవాన్లాల్ శనివారం లక్ష్మిపూర్లో ఫిర్యాదుదారుని ఇంటి వద్ద రూ.10 వేలు లంచం తీసుకుంటుండగా ఎసిబి అధికారులు పట్టుకుని అరెస్టు చేశారు. అనంతరం ఎసిబి అధికారులు మానకొండూర్లోని మండల పరిషత్ కార్యాలయానికి చేరుకుని లక్ష్మిపూర్ గ్రామ పెన్షన్లకు సంబంధించిన రికార్డులను పరిశీలించారు. చవాన్లాల్ ను కరీంనగర్ ఎసిబి ప్రత్యేక కోర్టులో హాజరుపరిచారు. ఈ దాడుల్లో ఎసిబి ఇన్స్పెక్టర్లు తిరుపతి, ప్రేమ్ కుమార్ సిబ్బంది పాల్గొన్నారు. (Reported by Mana Telangana Feed.)
ఎసిబికి చిక్కిన పంచాయతీ కార్యదర్శి
In Brief: IN-TG | ఎసిబికి చిక్కిన పంచాయతీ కార్యదర్శి — via Mana Telangana Feed
Source credit: Mana Telangana Feed (reference)