హైదరాబాద్: మియాపూర్ న్యూ హఫీజ్పేట్లో భారీ అగ్నిప్రమాదం చోటుచేసుకుంది. స్థానికంగా ఉన్న ఓ పెయింట్ దుకాణంలో ఒక్కసారిగా మంటలు చెలరేగి వేగంగా వ్యాపించాయి. దుకాణంపై బోర్డు ఏర్పాటు చేసేందుకు వెల్డింగ్ పనులు చేస్తుండగా నిప్పురవ్వలు దుకాణంలో పడటంతో మంటలు అంటుకున్నట్లు సమాచారం. పెయింట్లు, ఇతర మండే పదార్థాలు ఉండటంతో మంటలు వేగంగా వ్యాపించాయి. దీంతో పరిసర ప్రాంతాల్లో దట్టమైన పొగలు అలుముకున్నాయి. అగ్నిప్రమాదాన్ని గమనించిన స్థానికులు వెంటనే అగ్నిమాపక సిబ్బందికి సమాచారం అందించారు. సమాచారం అందుకున్న ఫైర్ సిబ్బంది ఘటనా స్థలానికి చేరుకుని మంటలను అదుపు చేసేందుకు చర్యలు చేపట్టారు. ప్రమాదానికి సంబంధించి పూర్తి వివరాలు, ఆస్తి నష్టం, ప్రాణనష్టంపై స్పష్టత రావాల్సి ఉంది. (Reported by Mana Telangana Feed.)
మియాపూర్లో అగ్నిప్రమాదం.. పెయింట్ షాప్లో మంటలు
In Brief: IN-TG | మియాపూర్లో అగ్నిప్రమాదం.. పెయింట్ షాప్లో మంటలు — via Mana Telangana Feed
Source credit: Mana Telangana Feed (reference)