మన తెలంగాణ/నాంపల్లి: మునుగోడు నియోజకవర్గ పట్టణ కేంద్రానికి చెందిన వీరమల్ల సాయి తేజ (25) అమెరికాలోని న్యూయార్క్లో జరిగిన రోడ్డు ప్రమాదంలో మృతి చెందాడు. మునుగోడుకు చెందిన ఈర్లమళ్ల ప్రసాద్, శ్రీకన్య దంపతుల పెద్ద కుమారుడు సాయి తేజ ఇటీవల ఉన్నత చదవు కోసం అమెరికాకు వెళ్లాడు. వారం క్రితమే అతడికి ఉద్యోగం వచ్చింది. ఈ క్రమంలోనే కారులో ప్రయాణిస్తున్న సాయి తేజకు ఓ జింక అడ్డుగా వచ్చింది. దీంతో సడెన్ బ్రేక్ వేయడంతో వెనుక నుంచి వచ్చిన వాహనం బలంగా ఢీకొట్టింది. ఈ ప్రమాదంలో సాయి తేజ మృతి చెందాడు. ఈ విషయం తెలుసుకున్న మునుగోడు ఎమ్మెల్యే కోమటిరెడ్డి రాజగోపాల్ రెడ్డి తీవ్ర దిగ్భ్రాంతి వ్యక్తం చేశారు. ఎంతో కష్టపడి చదివి ఉద్యోగం సాధించి, తన కలలు సాకారం చేసుకుంటున్న వేళ ఇలా జరగడం అత్యంత దురదృష్టకరమని ఆయన అన్నారు. సాయి తేజ కుటుంబ సభ్యులకు ఆ దేవుడు ధైర్యం ప్రసాదించాలని కో రుతూ, తన ప్రగాఢ సానుభూతిని తెలిపారు. అయితే సాయితేజ భౌతికకాయం ఆదివారం మునుగోడుకు వచ్చే అవకాశం ఉన్నది. (Reported by Mana Telangana Feed.)
అమెరికాలో రోడ్డు ప్రమాదం.. మునుగోడు యువకుడి మృతి
In Brief: IN-TG | అమెరికాలో రోడ్డు ప్రమాదం.. మునుగోడు యువకుడి మృతి — via Mana Telangana Feed
Source credit: Mana Telangana Feed (reference)