హైదరాబాద్: రాజేంద్రనగర్ పోలీస్‌స్టేషన్ పరిధిలోని హిమాయత్ సాగర్ వద్ద ఔటర్ రింగ్‌ రోడ్డుపై ఘోర ప్రమాదం చోటు చేసుకుంది. నాలుగు కార్లు ఒకదాన్నొకటి ఢీ కొన్నాయి. గచ్చిబౌలి నుంచి శంషాబాద్ వెళ్లే మార్గంలో ఓ కారు నెమ్మదిగా వెళ్తుండగా.. వెనుక నుంచి వేగంగా వచ్చిన మరో కారు దానిని ఢీ కొట్టింది. దీంతో వెనుక ఉన్న మరో కార్లు కూడా వరుసగా ఢీ కొన్నాయి. ఈ ప్రమాదంలో పలువురికి గాయాలయ్యాయి. క్షతగాత్రులను చికిత్స నిమిత్తం దగ్గర్లోని ఆస్పతికి తరలించారు. ప్రమాదానికి గురైన వాహనాలను ఒఆర్ఆర్ అధికారులు ఘటనాస్థలి నుంచి తరలించారు. (Reported by Mana Telangana Feed.)