ఇంటిని శుభ్రంగా ఉంచుకోవడం, పరుపులను మార్చడం, చీడపీడలు లేకుండా చూసుకోవడం ఆధునిక మానవుడి అలవాట్లని అనుకుంటున్నారా? దాదాపు రెండు లక్షల ఏళ్ల క్రితమే ఆదిమానవులు గడ్డితో పరుపులు తయారు చేసుకుని, వాటిని ఉపయోగించిన తర్వాత కాల్చివేసి, మళ్లీ కొత్త పరుపులు ఏర్పాటు చేసుకున్నట్లు దక్షిణాఫ్రికాలోని బోర్డర్ కేవ్‌లో లభించిన ఆధారాలు సూచిస్తున్నాయి. బోర్డర్ కేవ్‌లోని పురాతన మట్టి పొరల్లో గడ్డి అవశేషాలు, బూడిద, కాలిన మొక్కల సూక్ష్మ ఆనవాళ్లను పరిశోధకులు గుర్తించారు. కొన్ని పరుపులను బూడిద పొరలపై ఏర్పాటు చేసినట్లు గుర్తించారు. బూడిద వల్ల నేలపై పాకే పురుగుల బెడద తగ్గి ఉండవచ్చని భావిస్తున్నారు. పాత పరుపులను కాల్చివేయడం ద్వారా నివాస ప్రదేశాన్ని శుభ్రపరిచి ఉండవచ్చన్నది మరో అంచనా. అయితే అగ్నిని ఉపయోగించడం పరిశుభ్రత కోసమే జరిగిందని ఖచ్చితంగా నిర్ధారించలేమని పరిశోధకులు పేర్కొంటున్నారు. అప్పటి మానవులు వేట, ఆహార సేకరణతోపాటు నివాసాన్ని సౌకర్యవంతంగా మార్చుకోవడం, ప్రకృతి వనరులను వినియోగించడం, అగ్నిని అవసరాలకు అనుగుణంగా ఉపయోగించడం వంటి నైపుణ్యాలు కలిగి ఉన్నట్లు ఈ ఆధారాలు తెలియజేస్తున్నాయి.ఈ అంశంపై 2020లో సైన్స్ పత్రికలో (Reported by Mana Telangana Feed.)