మన తెలంగాణ – అమరావతి: ఆంధ్రప్రదేశ్‌లో అసెంబ్లీ ఎన్నికలతో పోలిస్తే కూటమి మరింత బలపడిందని సిఎం చంద్రబాబు నాయుడు తెలిపారు. మున్సిపల్ ఎన్నికల అనంతరం పరిషత్ ఎన్నికల్లోనూ కూటమి అద్భుత ఫలితాలు సాధించిందని అన్నారు. స్థానిక ఎన్నికల్లో కూటమి అభ్యర్థులను గెలిపించిన ప్రజలకు ధన్యవాదాలు తెలియజేశారు. మున్సిపల్ ఎన్నికల్లో కూటమి 94 శాతం స్ట్రైక్ రేట్ సాధించిందని, సార్వత్రిక ఎన్నికలతో పోలిస్తే స్థానిక ఎన్నికల్లో కూటమికి 3.6 శాతం ఓట్లు పెరిగాయని చెప్పారు. వైసిపి ఓట్ల శాతం తగ్గిందని వ్యాఖ్యలు గొడ్డలి పార్టీ 39.8 శాతం ఓట్ల నుంచి 6 శాతానికి పైగా ఓట్లు కోల్పోయిందని చంద్రబాబు వ్యాఖ్యానించారు. రెండున్నరేళ్ల పాలనకు ప్రజలు ఇచ్చిన తీర్పుగా ఈ ఫలితాలను భావిస్తున్నామని అన్నారు. ఎన్నికల విధానం ఏదైనా విజయం కూటమిదే ఈవీఎంలు, బ్యాలెట్ పేపర్లు, పోస్టల్ బ్యాలెట్.. ఎన్నికల విధానం ఏదైనా కూటమి విజయమే సాధిస్తోందని చంద్రబాబు పేర్కొన్నారు. కూటమి అభ్యర్థుల మధ్య సీట్ల సర్దుబాటు విషయంలో ప్రత్యేక శ్రద్ధ తీసుకున్నామని తెలిపారు. కూటమి పార్టీలన్నీ ఐక్యంగా ముందుకు సాగాలని, అన్ని స్థానాల్లో విజయం సాధించాలనే లక్ష్యంతో పనిచేస్తున్నామని చంద (Reported by Mana Telangana Feed.)