వెల్లింగ్టన్: టెస్టుల్లో భారత స్టార్ బ్యాటర్ కేఎల్ రాహుల్ సరికొత్త రికార్డు నెలకొల్పాడు. నాలుగు SENA(దక్షిణాఫ్రికా, ఇంగ్లాండ్, న్యూజిలాండ్, ఆస్ట్రేలియా) దేశాల్లో టెస్ట్ సెంచరీలు సాధించిన తొలి భారత ఓపెనర్‌గా అరుదైన ఘనత సాధించాడు. శనివారం వెల్లింగ్టన్‌లోని బేసిన్ రిజర్వ్‌లో న్యూజిలాండ్‌తో జరిగిన మ్యాచ్‌లో సెంచరీతో చెలరేగిన రాహుల్ ఈ ఫీట్ ను సాధించాడు. టెస్టుల్లో రాహుల్ కు ఇది 13వ సెంచరీ కాగా.. న్యూజిలాండ్‌లో ఇదే తొలి టెస్ట్ ఇన్నింగ్స్. ఇంతకుముందు, దక్షిణాఫ్రికా, ఇంగ్లాండ్, ఆస్ట్రేలియా దేశాల్లో సెంచరీలు సాధించిన రాహుల్.. కివీస్ పై తొలి టెస్టు మూడో రోజు భారీ సెంచరీతో మెరిశాడు. దీంతో ఈ ఘనత సాధించిన తొలి భారత ఓపెనర్‌గా నిలవడమే కాకుండా.. పాకిస్థాన్‌కు చెందిన సయీద్ అన్వర్ తర్వాత ఈ ఘనత సాధించిన రెండో ఆసియా ఆటగాడిగా కూడా నిలిచాడు. కాగా, మ్యాచ్ విషయానికి వస్తే.. తొలి టెస్టులో భారత్ తన తొలి ఇన్నింగ్స్ లో భారీ స్కోరు దిశగా దూసుకుపోతోంది. మూడో రోజు ఆట ముగిసేసమయారికి భారత్ నాలుగు వికెట్లు కోల్పోయి 486 పరుగులు చేసింది. కివీస్ గడ్డపై ఓపెనర్లు కెఎల్ రాహల్(136), యశస్వీ జైస్వాల్(85), కెప్టెన్ శుభ్ మన్ గిల్ (Reported by Mana Telangana Feed.)