వైశాలి(బీహార్): గంగానదిపై నిర్మించిన నితీష్ సేతును ప్రధాని నరేంద్ర మోడీ ప్రారంభించారు. బీహార్‌ పర్యటనలో భాగంగా మాజీ ముఖ్యమంత్రి నితీష్ కుమార్ పేరు మీద నిర్మించిన ఈ ఆరు లేన్ల వంతెనను శనివారం ప్రధాని ప్రాంభించారు. అనంతరం గవర్నర్ సయ్యద్ అత హస్నైన్, ముఖ్యమంత్రి సమ్రాట్ చౌదరి, కేంద్ర మంత్రి చిరాగ్ పాశ్వాన్, ఉప ముఖ్యమంత్రి విజయ్ కుమార్ చౌదరిలతో కలిసి ప్రధాని కాసేపు నడుస్తూ పరిశీలించారు. కాగా, 19.7 కిలోమీటర్ల పొడువైన కనెక్టివిటీ ప్రాజెక్టును రూ. 4,280 కోట్లతో నిర్మించారు. ఇందులో 9.7 కిలోమీటర్ల ప్రధాన వంతెన కాగా, 10 కిలోమీటర్ల అనుసంధాన రహదారులు ఉన్నాయి. ఈ వంతెనను పాట్నా కచ్చి దర్గా నుంచి వైశాలి జిల్లా బిదుపూర్‌ వరకు అనుసంధానించారు. (Reported by Mana Telangana Feed.)