వడ్ల కొనుగోలుపై సీఎం రేవంత్ రెడ్డి, మంత్రులు, అధికారులతో ఒక్కసారైనా సమీక్ష సమావేశాన్ని నిర్వహించారా? అని మాజీ మంత్రి, సిద్దిపేట ఎమ్మెల్యే తన్నీరు హరీశ్‌రావు ప్రశ్నించారు. సిద్దిపేట జిల్లా చిన్నకోడూరు మండలం పెద్దకోడూరు పరిధిలోని మెట్టుబండల వద్ద ఏర్పాటు చేసిన ధాన్యం కొనుగోలు కేంద్రాన్ని ఆయన శనివారం సందర్శించి మాట్లాడారు. రాష్ట్రవ్యాప్తంగా వడ్ల కొనుగోలు ప్రక్రియ జరగకపోవడంతో రైతన్నలు తీవ్రంగా నష్టపోతున్నారని తెలిపారు. ఇప్పటికే వడ్ల కొనుగోలు కేంద్రాలను ప్రభుత్వం గ్రేడింగ్ పేరుతో వడ్ల కొనుగోలు కేంద్రాలను మూసివేసిందని, ఇందులో భాగంగానే సిద్దిపేట జిల్లాలో 70 కోనుగోలు కేంద్రాలను మూసి వేయడం దారుణమని మండిపడ్డారు. రాష్ట్రం మొత్తం మీద ఇప్పటి వరకు ప్రభుత్వం కొన్న దొడ్డు వడ్లు కనీసం లక్ష మెట్రిక్ టన్నులు కూడా దాటలేదని తెలిపారు. అదే గత ఏడాది ఇదే సమయానికి రాష్ట్రవ్యాప్తంగా 30 లక్షల మెట్రిక్ టన్నుల వడ్లు కొనుగోలు చేశామని గుర్తుచేశారు. గతంలో బీఆర్‌ఎస్ పాలనలో కల్లాలకు రాగానే వెంట వెంటనే కొనుగోలు చేశామని తెలిపారు. ప్రభుత్వ కొనుగోలు కేంద్రాలు తెరవకపోవడంతో దొడ్డు వడ్లను ప్రైవేట్ వ్యాపారులకు క్వింటాల్ రూ. 2100 (Reported by Mana Telangana Feed.)