మన తెలంగాణ – హైదరాబాద్: డ్రగ్స్‌ వినియోగం యువత భవిష్యత్తును దెబ్బతీస్తోందని కేంద్ర మంత్రి కిషన్ రెడ్డి ఆందోళన వ్యక్తం చేశారు. డ్రగ్స్ కారణంగా పంజాబ్ రాష్ట్రం తీవ్రంగా నష్టపోయిందని ఆరోపించారు. దేశంలో నేటి యువత మత్తు పదార్థాల బారిన పడుతుండటం ఆందోళనకరమని అన్నారు. ఈ సందర్భంగా ఆయన మీడియాతో మాట్లాడుతూ.. హైదరాబాద్‌లోనూ డ్రగ్స్ సరఫరా విచ్చలవిడిగా జరుగుతోందని, మత్తు పదార్థాలకు అలవాటు పడిన యువత పరిస్థితి ఆందోళన కలిగిస్తోందని, వారు మత్తులో ఏం చేస్తున్నారో అర్థంకాని పరిస్థితులు నెలకొంటున్నాయని వ్యాఖ్యానించారు. 2029 నాటికి డ్రగ్స్ రహిత దేశమే లక్ష్యం 2029 నాటికి దేశాన్ని డ్రగ్స్ రహితంగా మార్చాలనే లక్ష్యంతో కేంద్ర ప్రభుత్వం పనిచేస్తోందని, యువతను మత్తు పదార్థాలకు దూరంగా ఉంచేందుకు ప్రజలందరూ భాగస్వాములు కావాలని కిషన్ రెడ్డి పిలుపునిచ్చారు. మూతపడిన కంపెనీల్లోనూ డ్రగ్స్ తయారీ? హైదరాబాద్‌లో మూతపడిన కొన్ని కంపెనీల్లో డ్రగ్స్ తయారీ జరుగుతోందని, నగరంలో కొన్ని ప్రాంతాల్లో టెర్రస్‌లపై గంజాయి మొక్కలు పెంచుతున్నారని తెలియజేశారు. డ్రగ్స్ సరఫరా, వినియోగంపై కఠిన చర్యలు తీసుకోవాల్సిన అవసరం ఉందని అభిప్రాయపడ్డారు. యువత (Reported by Mana Telangana Feed.)