వెల్లింగ్టన్ వేదికగా న్యూజిలాండ్‌తో జరుగుతున్న తొలి టెస్ట్ మ్యాచ్‌లో భారత కీపర్ బ్యాట్స్‌మెన్ రిషబ్ పంత్ అద్భుతంగా రాణించాడు. 62 బంతుల్లో 5 ఫోర్లు, 2 సిక్సులతో 55 పరుగులు చేసి నాటౌట్‌గా నిలిచాడు. ఈ క్రమంలో అతడు ఓ వరల్డ్ రికార్డును బ్రేక్ చేశాడు. ప్రత్యర్థి సొంత గడ్డపై అత్యధిక పరుగులు చేసిన వికెట్ కీపర్ బ్యాట్స్‌మెన్‌గా పంత్ నిలిచాడు. ఈ క్రమంలో అతడు ఆసీస్ మాజీ క్రికెటర్ అడమ్ గిల్‌క్రిస్ట్‌తో పాటు భారత మాజీ కెప్టెన్ ఎంఎస్ ధోనీని అధిగమించాడు. గిల్‌క్రిస్ట్ 58 ఇన్నింగ్స్‌లో 2,512 పరుగులు చేయగా.. ధోనీ 2,496 పరుగులు చేశాడు. ఇక పంత్ 36 మ్యాచ్‌ల్లో (63 ఇన్నింగ్స్‌లు) 2,544 పరుగులు చేశాడు. కాగా ప్రత్యర్థి సొంత గడ్డపై, తటస్థ వేదికల్లో పాకిస్థాన్ బ్యాటర్ సర్ఫరాజ్ అహ్మద్ (2,696) అత్యధిక పరుగులు చేశాడు. ఈ జాబితాలో పంత్ మూడో స్థానంలో ఉన్నాడు. మరోవైపు ప్రపంచ టెస్టు ఛాంపియన్‌షిప్‌లో పంత్ 3 వేల పరుగుల మైలురాయిని చేరుకున్నాడు. శుభ్‌మన్ గిల్ తర్వాత ఈ ఘనత సాధించిన రెండో భారత క్రికెటర్‌గా నిలిచాడు. డబ్ల్యూటిసిలో 3 వేల రన్స్ చేసిన తొలి వికెట్‌కీపర్‌గానూ పంత్ నిలిచాడు. అంతేకాకుండా సేనా (సౌతాఫ్రికా, ఇంగ్లండ్, (Reported by Mana Telangana Feed.)