కరోనావ్యాప్తి వరకు అమెరికాకు ప్రధాన ఎగుమతి దారు చైనాయే ఇప్పుడు పరిశోధనలకు పెద్ద సమస్యగా మారిన కోతుల కొరత కంబోడియా నుంచి పెరిగిన దిగుమతులు మన తెలంగాణ/సైన్స్ డెస్క్: సూది నుంచి సూపర్ కంప్యూటర్ వరకు.. బొమ్మల నుంచి అత్యాధునిక యంత్రాల వరకు ప్రపంచానికి ఏది కావాలన్నా ఎగుమతి చేసే చైనా ఇప్పుడు కోతుల కొరతను ఎదుర్కొంటోంది. ఒకప్పుడు వైద్య పరిశోధనల కోసం అమెరికాకు పెద్దఎత్తున కోతులను ఎగుమతి చేసిన చైనా.. ఇప్పుడు తన పరిశోధనల అవసరాల కోసం కంబోడియా నుంచి వేలాది కోతులను దిగుమతి చేసుకుంటోంది. ప్రముఖ శాస్త్రీయ పత్రిక సైన్స్ వెల్లడించిన ఈ పరిణామం అంతర్జాతీయ పరిశోధన రంగంలో చర్చకు దారితీసింది. ఎగుమతిదారు దిగుమతిదారుగా ఎందుకు మారింది? కరోనా మహమ్మారి ప్రారంభానికి ముందు వైద్య ప్రయోగాలకు అవసరమైన కోతుల సరఫరాలో చైనా కీలక పాత్ర పోషించింది. ముఖ్యంగా అమెరికాలో ఔషధాలు, టీకాల పరిశోధనలకు చైనా నుంచి కోతులు వెళ్లేవి. అయితే 2020లో కరోనా వ్యాప్తి మొదలైన తర్వాత చైనా కోతుల ఎగుమతులను నిలిపివేసింది. దీంతో అమెరికా ప్రత్యామ్నాయ సరఫరాదారుగా కంబోడియా వైపు మళ్లింది. మరోవైపు చైనాలో ఔషధ పరిశోధనలు, జీవసాంకేతిక ప్రయోగాలకు అవసరమైన కోతుల డి (Reported by Mana Telangana Feed.)