కొత్త సినిమాలను మొబైల్ ఫోన్లలో చిత్రీకరించి వెబ్‌సైట్‌లో అప్‌లోడ్ ఒక్కో సినిమాకు రూ.20 వేల చొప్పున క్రిప్టో కరెన్సీ చెల్లింపులు ప్రధాన నిందితుల కోసం గాలిస్తున్న టీజీసీఎస్బీ మన తెలంగాణ/హైదరాబాద్: కొత్త సినిమాలను థియేటర్లలో రికార్డు చేసి ఆన్‌లైన్‌లో లీక్ చేస్తున్న పైరసీ ముఠాను గుర్తించినట్లు తెలంగాణ సైబర్ సెక్యూరిటీ బ్యూరో (టీజీసీఎస్బీ) తెలిపింది. ఈ కేసులో ఆంధ్రప్రదేశ్‌లోని కర్నూలుకు చెందిన విద్యార్థులు, సంతోష్ నగర్‌కు చెందిన షేక్ రిజ్వాన్ (19), భగత్ సింగ్ నగర్‌కు చెందిన రాంపోగు అజయ్ (19)లను టీజీసీఎస్బీ యాంటీ పైరసీ యూనిట్ శుక్రవారం అరెస్ట్ చేసింది. వారి నుంచి 3 మొబైల్ ఫోన్లను స్వాధీనం చేసుకుంది. పోలీసుల కథనం ప్రకారం.. కర్నూలు సిటీ స్క్వేర్ మాల్‌లోని ఎస్వీసీ సినిమాస్‌లో కొత్త సినిమాలను చిత్రీకరించి గోఫైల్ వెబ్‌సైట్‌లో అప్‌లోడ్ చేసేవారు. వీరి వెనుక ఉన్న ప్రధాన నిందితుడు టెలిగ్రామ్ ద్వారా సమన్వయం చేస్తూ, సినిమాలను పైరసీ వెబ్‌సైట్లు, టెలిగ్రామ్ ఛానెళ్లలో అప్‌లోడ్ చేయించేవాడు. ఒక్కో సినిమాకు రూ.20 వేల చొప్పున క్రిప్టో కరెన్సీలో చెల్లించి, నిందితులు దానిని భారత కరెన్సీలోకి మార్చుకునేవారని తెలి (Reported by Mana Telangana Feed.)